Віктар Лупасін

Галасы продкаў

Вершы

ЗМЕСТ

Прысьвячэньне

Сустрэча

Напiс

Махайрод

Сябры

Перад пачаткам

800 000 000 год да н. э.

Марш мiяцэнавых сланоў

Паэза верхняга мелу

Старая песьня

Настальгiя

Аб чым пяе мэрытэрый

Трыялет

Двухрадкоўе

Дыпладок

Ля вогнiшча

Post Scriptum.

ГАЛАСЫ ПРОДКАЎ

  Прысьвячэньне

«Вершаваная вiкiпэдыя, вершаваная вiкiпэдыя, —

Вы прымружыцеся пагардлiва ў тэатральны ларнэт. —

Не паэзiя, а камедыя, не паэзiя, а камедыя:

Мiж мянтузамi i мяншынямi у яго мэнуэт».

Не для вас, паны выкшталцоныя, я пiшу тэнцоны з канцонамi

I санэты свае з вэрлiбрамi я пiшу не для вас,

А для нiгераў з насарогамi, што трушчобамi ды бярлогамi

Загароджаны ад паэзiяў вашых кволенькiх рас.