Читаем Выставочный Иерусалим полностью

А стена старова града около шесть поприщь, а кругъ нынешнего града три поприща; староя розбита вся до основания. На полунощную страну манастырь стоитъ Воздвижение честнаго креста, где росло живоносное древо, на нем же Христосъ распятся. От манастыря на полунощную страну пять верстъ, тамо есть гора, а в ней пещера, коли бежала Елисаветь, жена Захариина, со Иоанном Предотечею от Ирода царя; а в той пещере источникъ, от того источника питалася Елисаветь, сотворенъ Божиим велениемъ, не копанъ, никимъ не деланъ. За восточным угломъ града Иерусалима стоятъ два древа смоковныхъ, а стоятъ и до сего дни зелены; сказываютъ, под теми древы спали два пророка.

О селе Скуделниче.

От града же поприще на западную страну над юдолию Плачевною на горе стоитъ село Скуделниче в погребение мертвым, что окуплено кровию Господа нашего Иисуса Христа пребеззаконнымъ Июдеомъ на тридесяти сребреницехъ; и тогда Господь нашъ Иисусъ Христосъ волную страсть подятъ нашего ради спасения

Лист 355 оборот, рис.119.

Рис.119.Лист 355 оборот

от беззаконныхъ Июдей, и тогда завеса церковная раздрася на двое, и Солнце померче, камение разпадеся, и нападе страхъ велик на безбожнаго Июду и рече в себе Июда: «Согрешихъ, предавъ кровь неповинную». И в церкви поверже сребреники и шедъ удавися. Пребеззаконнии же Июдеи и реша в себе: «Не достоит техъ сребренникъ положити в корвану, сииречь в казну, но понеже цена крови есть». И купиша ими село скуделниче в погребение странным. А которые православные християне приходятъ от всехъ странъ, от востоку и западу поклонитися гробу Господа нашего Иисусу Христа и святым местамъ и которому пришелцу иныя страны лучится отити к Богу, и техъ християнъ кладутъ въ томъ селе Скуделниче. Аще будетъ инокъ в котором манастыре пришлецъ со иныя страны, а лучится ему отити к Богу, и того инока приносятъ из манастыря в то же село. А Иерусалимца в томъ селе не положатъ никогда же. В том же селе ископан погребъ каменной в горе, кабы пещера, и дверцы каменны малы учинены, и в томъ погребе пределено кабы два закрала, а кладутъся християне в томъ погребе без гробов на земли; а егда положатъ християнина праведна или грешна и лежитъ то тело цело четыредесять дней и мякко, а смраду от того нетъ. А егда исполнятся четыредесять дней, об одну нощь тело его земля будетъ, а кости наги станутъ. И пришедъ тотъ человекъ, которой в том селе живетъ, землю ту зберетъ лопатой во единъ закромъ, а в другой кости; а кости целы и до сего дня; а земля аки голуба. А егда кто от православныхъ християнъ приидетъ помолитися, и не велятъ никому ис того села на мощи имать ничтоже. Аще которой человекъ

Лист 356, рис.120.

Рис.120.Лист 356

возметъ втай от мощей техъ и егда приидетъ в корабль на море, тогда корабль на море не пойдетъ и учнутъ Турки у християнъ обыскивати, и аще что найдутъ от техъ костей, и вергнутъ того человека в море совсемъ; а корабль поидетъ своимъ путемъ. И не взимаютъ от того села ничтоже, понеже не повелено бысть. А от Ерусалима до того села поприще едино. А от Скуделнича села до той же удоли Плачевной на полуденную страну ту стоит домъ пустъ святаго праведнаго Иова и до сего дни. До кладезя его же, каменной пределенъ на двое, а воды в немъ нетъ ныне. Пришла та удоль под лавру святаго Освященнаго Савы и в Содомское море, и тою удолию, сказывают, хощетъ тещи река огненая въ день страшнаго Суда.

О купели Силуамстей.

На том же потоке Силуамская купель под горою каменную, а вход в ней учиненъ лествица каменная велика какъ в походной погребъ, ступеней в ней пятьдесять, а по конецъ лествицы самыя купель Силуамская, аки кладезь в груди человеку глубина. И приходятъ многие люди, одержимыя всякими недуги различными, и погружаются в той купели и здрави бываютъ. А идетъ вода ис той купели сквозь каменную гору расселиною каменную; а за горою ручей великъ воды, а на том месте к ручью приходятъ из Ерусалима поприще едино. Мы же воспрошахомъ о той купели: «Откуду есть?» Поведаша намъ людие: «Егда возвратися от Вавилона пленение сынов Израилевъ и пленъ Сионъ, прииде Иеремия пророкъ и весь пленъ с нимъ на тотъ потокъ, и жаденъ бысть Иеремия и весь пленъ с нимъ, и помолися Иеремия, и дастъ ему Богъ в той купели воду». А рекъ и кладезей во Иерусалиме не бысть, бе бо место безводно, токмо едина купель Силуямля.

Лист 356 оборот, рис.121.

Рис.121.Лист 356 оборот